المسابقة الكبيرة: جوايز بقيمة 9,000 جنيه تخيل
– ازاي ادخل المسابقة
= اول حاجه محتاج تعمل حساب علي الموقع
– طب ازاي ؟
= ممكن تسال اي خادم بس انا هقولك برضو :
- من القايمة هتختار الحساب
- و بعدين هتدوس علي “تسجيل”
- بعد كدا هتدخل اسمك ثلالثي بالانجليزي ( ممكن خادم يساعدك )
- و بعد كدا هتدخل باقي البيانات ( ممكن خادم يساعدك )
- البيانات ديه لازم تكون مظبوطه كلها و شخصيه ( يعني بتاعتك انت مش باباك او مامتك او اخوك او اختك )
- بعد كدا هتحفظ الاسم اللي انت دخلته و كلمة المرور و ممكن تكتبهم في ورقه عشان تدخل بيهم الموقع بعد كدا
- بعد كدا هتدوس علي تسجيل
- بعد كدا هترفع صورة شخصية ليك
= بس كدا يا سيدي بقي عندك حساب علي الموقع و تقدر تدخل بعد كدا عليه باسمك اللي بالانجليزي و كلمة المرور
– طيب ايه هي بقي مواصفات المسابقة ديه ؟
= وصف المسابقة:
- بتتقسم المسابقة الي 4 مسابقات ( كل 3 شهور 🕒 عندنا 6 اشخاص كسبانين ) 🥳🥳🥳
- كل 3 شهور ال 6 الكسبانين بياخدوا
- الاول: 600 جنيه مصري 💸
- التاني: 500 جنيه مصري 💸
- التالت: 400 جنيه مصري 💸
- الرابع: 300 جنيه مصري 💸
- الخامس: 200 جنيه مصري 💸
- السادس: 100 جنيه مصري 💸
طيب ايه قوانين المسابقة ديه و اعمل ايه عشان اكسب:
= انت بتمجمع جواهر طول ما انت ماشي في المسابقة 💎💎
– طيب ايه الحجات اللي ممكن اعملها فتكسبني جواهر ؟
= هقولك 👇
- الحضور في الميعاد 🕒
- من (2:30 الي 2:45 ) عليه 30 جوهرة
- من (2:45 الي 3:00 ) عليه 20 جوهرة
- بعد 3:00 عليه 10جوهرة
- الالتزام في الاجتماع 70 درجه 🙏
- المساعده في الخدمه💪 بس بالاتفاق مع الخدام
- ساعدتنا في (تجهيز القاعه – ميكسر – لاب توب – بتقدم فقرة او تامل ) عليه 10 جوهرة
- المسابقة الورقيه ( كل شهر )
- الاول: 100
- التاني: 70
- التالت: 50
- الرابع: 25
- نقط اضافيه
- حفظ الايه او تلخيص الوعظه و تسميعها لخادم عليه 10 درجات
- ممكن المرنم او الواعظ يوزع نقط
- تفاعلت من الموقع او التطبيق ( لسه هتتعمل)
– طيب ايه بقي اللي ممكن يخسرني جواهر
= ببساطه عكس اللي قولناه فوق 🛑
- اعمل شوشرة – او اصوات غريبه
- ماسك التليفون او رن في الاجتماع او رديت علي حد
- جيت متاخر او مشيت قبل الاجتماع ما يخلص
- قولت لفظ خارج او مسمعتش كلام خادم
كل اللي فوق دا بيخصم منك نقط من غير ما تاخد بالك
– طيب مين اللي بيحط الدرجات والجواهر ؟ 🕵️
= المسؤولين عن اعطاء الجواهر هما (ميس مارجو و ميس جويس ) اي حد عنده سؤال في درجاته ممكن يروح يسالهم و هما هيجاوبوه🌐
مفجاه كبيره جدا😀😀😀
من دلوقتي لحد المؤتمر كل جوهرتين هندفعلك احنا قصادهم جنيه من تمن المؤتمر .. يعني لو ببساطه جمعت 1000 نقطه بس فاحنا هندفعلك 500 جنيه من تمن المؤتمر
– طيب جميل انا عايز اعرف عدد الجواهر بتاعتي بقي اروح فين ؟
= ماشي بعد ما تعمل حساب و تسجل ادخل علي القائمة و اختار منها “الجواهر” و هناك هتعرف كل حاجه. 💎